"Sabah" Danimarkadan məğlubiyyətlə qayıdır

Azərbaycan təmsilçisi "Sabah" UEFA Çempionlar Liqasının III təsnifat mərhələsinin ilk oyununda Danimarkada "Orhus"un qonağı olub.

90deqiqe.Az-ın məlumatına görə, Ranners stadionunda keçirilən qarşılaşma meydan sahiblərinin 2:1 hesablı qələbəsi ilə yekunlaşıb.

Danimarka klubunun heyətində Ceyms Boqere 31 və 63-cü dəqiqələrdə fərqlənərək komandasına üstünlük qazandırıb. "Sabah"ın yeganə qolunu isə 66-cı dəqiqədə Velko Simiç vurub.

Beləliklə, "bayquşlar" Çempionlar Liqasının III təsnifat mərhələsində cavab oyunu öncəsi minimal hesablı məğlubiyyətlə üzləşiblər.

Qeyd edək ki, komandalar arasında cavab qarşılaşması avqustun 11-də saat 20:00-da Masazırdakı "Bank Respublika Arena"da keçiriləcək.