Çempionlar Liqasında daha iki komandanın taleyinə aydınlıq gəldi

Çempionlar Liqasının III təsnifat mərhələsinin cavab oyunları çərçivəsində daha iki qarşılaşma keçirilib.

90deqiqe.Az-ın məlumatına görə, Slovakiyanın “Slovan” klubu doğma meydanda İsveçin “Möyellbü” komandasını qəbul edib. Görüş meydan sahiblərinin 2:0 hesablı qələbəsi ilə başa çatıb.

“Slovan”ın heyətində Süleyman Kamara və Alasana Cirajanq fərqləniblər. İki oyunun nəticəsinə əsasən Slovakiya təmsilçisi növbəti mərhələyə yüksəlib.

Digər qarşılaşmada Sloveniyanın “Çelye” klubu “Ararat-Ermənistan”ı sınağa çəkib. Sloveniya çempionu rəqibini 2:0 hesabı ilə məğlub edib.

Meydan sahiblərinin qollarını görüşün sonlarına yaxın Yaya Dukuli və Bencamin Verbic vurublar.

Beləliklə, “Çelye” Çempionlar Liqasında mübarizəni davam etdirib, “Ararat-Ermənistan” isə turnirlə vidalaşıb.