“Fənərbağça”nın 4 futbolçusu “Lion”la oyunu buraxacaq

Türkiyənin “Fənərbağça” klubu UEFA Çempionlar Liqasının pley-off mərhələsinin cavab görüşündə ciddi itkilərlə üzləşib.

90deqiqe.Az klubun rəsmi saytına istinadla xəbər verir ki, komandanın dörd futbolçusu Fransada “Lion”a qarşı keçiriləcək qarşılaşmada meydana çıxa bilməyəcək.

Qapıçı Mert Günok, müdafiəçi Çağlar Söyüncü, eləcə də yarımmüdafiəçilər Marko Asensio və Kerem Aktürkoğlu cavab matçında iştirak etməyəcəklər.

Tərəflər arasında İstanbulda baş tutan ilk görüş 1:1 hesabı ilə başa çatıb. Bu səbəbdən Fransadakı qarşılaşma növbəti mərhələyə vəsiqə baxımından həlledici olacaq.

Qeyd edək ki, “Lion” – “Fənərbağça” oyunu avqustun 26-da Bakı vaxtı ilə saat 23:00-da başlayacaq.