Çempionlar Liqası: AEK və “Vikinq” əsas mərhələyə yüksəldi

Çempionlar Liqasının pley-off mərhələsinin cavab oyunlarında daha iki qarşılaşma başa çatıb.

90deqiqe.Az-ın məlumatına görə, AEK ilk oyunda “Levski” ilə qolsuz heç-heçə etsə də, cavab görüşündə rəqibini darmadağın edib. Marko Nikoliçin rəhbərlik etdiyi Yunanıstan təmsilçisi 4:0 hesablı qələbə qazanıb.

Hesabı 7-ci dəqiqədə Lazaros Rotanın ötürməsindən sonra Luka Yoviç açıb. Ardınca Barnabaş Varqa fərqlənib. İlk hissənin başa çatmasına az qalmış Varqa dublunu rəsmiləşdirərək hesabı 3:0-a çatdırıb. Qarşılaşmada son nöqtəni isə 55-ci dəqiqədə Razvan Marin qoyub.

Digər görüşdə “Vikinq” doğma meydanda Zaqreb “Dinamo”sunu 3:1 hesabı ilə məğlub edib. Norveç klubunun qollarını Zlatko Tripiç, Edvin Östbe və Tobias Moy vurublar.

Beləliklə, iki oyunun nəticəsinə əsasən AEK və “Vikinq” Çempionlar Liqasının əsas mərhələsinə vəsiqə qazanıblar.