“Sabah”ın Çempionlar Liqasındakı oyunlarının təqvimi bəlli oldu

“Sabah”ın UEFA Çempionlar Liqasının əsas mərhələsində keçirəcəyi oyunların təqvimi açıqlanıb.

90deqiqe.Az-ın məlumatına görə, Azərbaycan çempionu turnirdə ilk matçını sentyabrın 10-da səfərdə İngiltərənin “Mançester Yunayted” klubuna qarşı keçirəcək.

“Bayquşlar” oktyabrın 13-də Bakıda Çexiyanın “Slaviya”sını qəbul edəcəklər. Paytaxt təmsilçisi bundan bir həftə sonra – oktyabrın 20-də Almaniyanın “Borussiya” (Dortmund) klubu ilə evdə qarşılaşacaq.

“Sabah” noyabrın 4-də Norveçdə “Vikinq”in qonağı olacaq. Komandanın növbəti ev oyunu isə noyabrın 25-də İspaniyanın nəhəngi “Barselona”ya qarşı keçiriləcək.

Azərbaycan təmsilçisi dekabrın 8-də səfərdə İspaniyanın “Vilyarreal” klubu ilə üz-üzə gələcək.

“Sabah” liqa mərhələsində son iki oyununu 2027-ci ildə keçirəcək. Komanda yanvarın 20-də Bakıda İtaliyanın “Napoli” klubunu qəbul edəcək, yanvarın 27-də isə İngiltərədə “Arsenal”ın qonağı olacaq.

Beləliklə, “Sabah” əsas mərhələdə ümumilikdə 8 oyun keçirəcək – 4-ü evdə, 4-ü səfərdə.