UEFA “Fənərbağça”nın iki futbolçusuna qarşı intizam işi açdı

UEFA Türkiyənin “Fənərbağça” klubuna, eləcə də futbolçuları Matteo Genduzi və Meyson Qrinvuda qarşı intizam işi açıb.

90deqiqe.Az-ın məlumatına görə, bu barədə İstanbul təmsilçisinin mətbuat xidməti məlumat yayıb.

İntizam araşdırmasına “Fənərbağça”nın UEFA Çempionlar Liqasının pley-off mərhələsinin cavab oyununda Fransada “Lion”u 2:1 hesabı ilə məğlub etməsindən sonra baş verən hadisələr səbəb olub. Qarşılaşmanın final fitindən sonra Genduzi və Qrinvud meydanda yaşanan qarşıdurmada iştirak ediblər.

Qeyd edək ki, “Fənərbağça” “Lion” üzərində 2:1 hesablı qələbə sayəsində UEFA Çempionlar Liqasının əsas mərhələsinə vəsiqə qazanıb.