“Arsenal” “Napoli” ilə oyun öncəsi çətinliklə üzləşdi

“Arsenal” UEFA Çempionlar Liqasının Liqa mərhələsində “Napoli” ilə keçirəcəyi oyun öncəsi səfər problemi ilə üzləşib.

90deqiqe.Az xəbər verir ki, London təmsilçisinin baş məşqçisi Mikel Artetanın sentyabrın 8-də Neapolda keçirilməsi planlaşdırılan mətbuat konfransı komandanın İtaliyaya uçuşunun gecikməsi səbəbindən ləğv edilib.

Buna Böyük Britaniyanın hava hərəkətinin idarə edilməsi sistemində yaranan texniki nasazlıq səbəb olub. Çərşənbə axşamı ölkənin bir sıra iri hava limanlarında uçuşlar dayandırılıb.

“Daily Mail”in məlumatına görə, problem səbəbindən təxminən 300 reys ləğv edilib və minlərlə sərnişin bundan təsirlənib.

“Arsenal”ın futbolçuları vəziyyətin normallaşmasını gözləyərək klubun məşq bazasında qalıblar. Daha sonra komanda hava limanına yollanıb.

London təmsilçisinin yerli vaxtla saat 21:30 radələrində Neapola çatacağı gözlənilir.