“Holand əjdahadır”

“Mançester Siti”nin yarımmüdafiəçisi Enso Fernandes komanda yoldaşı Erlinq Holandın “Portu” ilə UEFA Çempionlar Liqasının Liqa mərhələsinin I turunda göstərdiyi performansı dəyərləndirib.

90deqiqe.Az xəbər verir ki, argentinalı futbolçu 2:0 hesabı ilə başa çatan qarşılaşmada dubl edən norveçli hücumçu barədə danışıb.

Holand 47-ci dəqiqədə Fernandesin ötürməsindən sonra hesabı açıb. 91-ci dəqiqədə isə Rayan Ait-Nurinin məhsuldar ötürməsindən sonra ikinci qolunu vurub.

“Holand heyvandır, əjdahadır. Birlikdə meydanda olduğumuz zaman ona həmişə ötürmə verməyə çalışacağam. Möhtəşəm futbolçu və insandır”, – deyə Fernandesin sözlərini “The Touchline” nəşri yayıb.

Qeyd edək ki, Enso Fernandes “Çelsi”dən transfer olunduqdan sonra “Mançester Siti”nin heyətində ilk dəfə Çempionlar Liqasında meydana çıxıb.

Erlinq Holand isə turnirdə keçirdiyi 59 oyunda 59 qol vurub və bütün dövrlərin ən yaxşı bombardirləri siyahısında 7-ci pillədə qərarlaşıb.