“Sabah”ın rəqibi Çempionlar Liqasında tarixinin ilk qolunu vurdu

Çempionlar Liqasının əsas mərhələsinin ilk turunda “Ştutqart” və “Vikinq” komandaları üz-üzə gəlib.

90deqiqe.Az-ın məlumatına görə, Norveç təmsilçisi qarşılaşmada turnirin tarixində ilk qolunu vurub.

Görüşün 20-ci dəqiqəsində meydan sahiblərinin hücumçusu Ermedin Demiroviç “Ştutqart”ı hesabda önə keçirib. Lakin norveçlilər cəmi iki dəqiqə sonra hesabı bərabərləşdiriblər. “Vikinq”in tarixi ilk qoluna Zlatko Tripiç imza atıb.

“Ştutqart” isə bundan cəmi dörd dəqiqə sonra yenidən önə keçib. Demiroviç 26-cı dəqiqədə dublunu rəsmiləşdirib.

Beləliklə, ilk hissənin ortalarında Almaniya təmsilçisi 2:1 hesabı ilə öndədir.

Qeyd edək ki, “Vikinq” tarixində ilk dəfə Çempionlar Liqasının əsas mərhələsində iştirak edir. Norveç klubu turnirdə “Bude-Qlimt”lə birlikdə ölkəsini təmsil edən ikinci komandadır.