- Çempionlar liqası
- 01:15 10.09.2026
UEFA Çempionlar Liqasının 2026/2027 mövsümünün liqa mərhələsinin 1-ci turu çərçivəsində keçirilən Almaniyanın “Ştutqart” və Norveçin “Vikinq” komandaları arasındakı oyun başa çatıb.
90deqiqe.Az-ın məlumatına görə, Ştutqart şəhərində yerləşən “MHPArena” stadionunda keçirilən qarşılaşmada baş hakim funksiyasını serbiyalı Nenad Minakoviç yerinə yetirib.
Görüşdə Almaniya təmsilçisi 3:1 hesabı ilə qələbə qazanıb.
Matçın 20-ci dəqiqəsində “Ştutqart”ın hücumçusu Ermedin Demiroviç hesabı açıb. Bundan cəmi iki dəqiqə sonra “Vikinq”in forvardı Zlatko Tripiç fərqlənərək hesabı bərabərləşdirib.
26-cı dəqiqədə Demiroviç növbəti dəfə rəqib qapısına yol taparaq dubl edib. Bundan altı dəqiqə sonra isə hücumçu het-trikini rəsmiləşdirib və komandasının 3:1 hesablı qələbəsini təmin edib.
Qeyd edək ki, UEFA Çempionlar Liqasının son qalibi Fransanın PSJ klubudur. Luis Enrikenin rəhbərlik etdiyi komanda ötən mövsümün finalında İngiltərənin “Arsenal” klubu ilə qarşılaşıb. Əsas vaxt 1:1 hesabı ilə başa çatıb, penaltilər seriyasında isə PSJ 4:3 hesabı ilə qalib gəlib.
2026/2027 mövsümünün UEFA Çempionlar Liqası finalı 5 iyun 2027-ci ildə İspaniyanın paytaxtı Madrid şəhərində yerləşən “Metropolitano” stadionunda keçiriləcək.
