“Arsenal” “Napoli” səddini Edeqorun qolu ilə keçdi

UEFA Çempionlar Liqasının 2026/2027-ci il mövsümünün əsas mərhələsinin ilk turunda İtaliyanın “Napoli” və İngiltərənin “Arsenal” komandaları üz-üzə gəlib.

90deqiqe.Az-ın məlumatına görə, Neapoldakı “Dieqo Armando Maradona” stadionunda keçirilən qarşılaşma qonaqların 1:0 hesablı qələbəsi ilə başa çatıb.

İsveçli baş hakim Qlen Nyuberqin idarə etdiyi matçın taleyini 75-ci dəqiqədə vurulan qol həll edib. “Arsenal”ın yarımmüdafiəçisi Martin Edeqor fərqlənərək komandasına qələbə qazandırıb.

Qeyd edək ki, “Napoli” A Seriyasının ilk üç turunda bir qələbə qazanıb, iki dəfə məğlub olub. Neapol təmsilçisi son turda “İnter”ə 2:3 hesabı ilə uduzub.

“Arsenal” isə İngiltərə Premyer Liqasında mövsümə uğurlu başlayıb. London klubu ilk üç matçının hamısında qələbə qazanıb. “Topçular” son görüşdə “Çelsi”ni 2:1 hesabı ilə məğlub edib.