Arteta “Napoli” üzərində qələbəni şərh etdi

“Arsenal”ın baş məşqçisi Mikel Arteta Çempionlar Liqasının əsas mərhələsinin ilk turunda səfərdə “Napoli” üzərində qazanılan 1:0 hesablı qələbəni şərh edib.

90deqiqe.Az-ın məlumatına görə, ispaniyalı mütəxəssis komandasının üç xala tam layiq olduğunu bildirib:

“Üç xalı tamamilə haqq etdik. Hesab, yəqin ki, oyunumuzu əks etdirmir. Komanda möhtəşəm çıxış etdi. Bir çox epizodda “Napoli”nin müdafiəsini yarmaq üçün kifayət qədər keyfiyyət nümayiş etdirdik.

Təəssüf ki, çox sayda əla fürsəti dəyərləndirə bilmədik. Başqa bir gün tablo fərqli hesab göstərə bilərdi”, - deyə Artetanın sözlərini TNT Sports yayıb.

Qeyd edək ki, “Arsenal” Çempionlar Liqasının əsas mərhələsinin ikinci turunda oktyabrın 13-də doğma meydanda “Lill”i qəbul edəcək.

Xatırladaq ki, London klubu ötən mövsüm Çempionlar Liqasının finalına qədər irəliləyib. “Arsenal” həlledici görüşdə PSJ-yə penaltilər seriyasında məğlub olub.