“Şaxtyor” səfərdə PSV ilə heç-heçə etdi

UEFA Çempionlar Liqasının 2026/2027 mövsümünün liqa mərhələsinin ilk turunda PSV ilə Ukraynanın “Şaxtyor” komandası üz-üzə gəlib.

90deqiqe.Az-ın məlumatına görə, Eyndhoven şəhərindəki “Philips” stadionunda keçirilən qarşılaşma 1:1 hesabı ilə başa çatıb. Matçın baş hakimi türkiyəli Halil Umut Meler olub.

İlk qol 45-ci dəqiqədə vurulub. “Şaxtyor”un venesuelalı yarımmüdafiəçisi Qleyker Mendosa komandasını hesabda önə keçirib.

PSV isə 48-ci dəqiqədə hesabı bərabərləşdirib. Niderland təmsilçisinin müdafiəçisi Serjino Dest fərqlənib.

Qeyd edək ki, Çempionlar Liqasının ikinci turunda PSV səfərdə Almaniyanın “RB Leypsiq” klubu ilə qarşılaşacaq. Görüş oktyabrın 13-də keçiriləcək.

“Şaxtyor” isə bir gün sonra Yunanıstanın AEK komandasını qəbul edəcək.