"Fənərbağça" Çempionlar Liqasına heç-heçə ilə başladı

UEFA Çempionlar Liqasının ilk turunda Türkiyənin “Fənərbağça” komandası İtaliyanın “Roma” klubu ilə qarşılaşıb.

90deqiqe.Az-ın məlumatına görə, İstanbulda “Chobani” stadionunda keçirilən görüş 1:1 hesabı ilə başa çatıb.

“Roma” 39-cu dəqiqədə Brayan Kristante ilə hesabı açıb. “Fənərbağça” isə 48-ci dəqiqədə Arçi Braun vasitəsilə bərabərliyi təmin edib.

Beləliklə, 18 ildən sonra Çempionlar Liqasında mübarizə aparan İstanbul təmsilçisi turnirə bir xalla başlayıb.

Qeyd edək ki, ikinci turda “Fənərbağça” səfərdə İngiltərənin “Aston Villa” klubu ilə qarşılaşacaq. Görüş oktyabrın 14-də keçiriləcək.

“Roma” isə ikinci turda İspaniyanın “Real Madrid” komandasını qəbul edəcək.