“Sabah” Çempionlar Liqasındakı debütündə “Mançester Yunayted”ə uduzdu

UEFA Çempionlar Liqasının 2026/2027 mövsümünün liqa mərhələsinin I turunda “Mançester Yunayted” və “Sabah” komandaları qarşılaşıb.

90deqiqe.Az-ın məlumatına görə, İngiltərənin Mançester şəhərində yerləşən “Old Trafford” stadionunda keçirilən görüş meydan sahiblərinin 4:0 hesablı qələbəsi ilə başa çatıb. Qarşılaşmanın baş hakimi fransalı Villi Delajo olub.

“Mançester Yunayted” hesabı 27-ci dəqiqədə açıb. Metyus Kunya komandasını önə keçirib.

43-cü dəqiqədə mankunianlıların kapitanı Bruno Fernandeş fərqlənərək hesabı 2:0-a çatdırıb. Bundan cəmi iki dəqiqə sonra Benyamin Şeşko üçüncü qolu vurub.

İkinci hissədə də üstün oyun nümayiş etdirən “Mançester Yunayted” 68-ci dəqiqədə hesabı 4:0 edib. Müdafiəçi Lisandro Martines komandasının dördüncü qolunun müəllifi olub.

Qeyd edək ki, bu qarşılaşma “Sabah”ın tarixində UEFA Çempionlar Liqasında keçirdiyi ilk oyun olub.

Turnirin II turunda “Mançester Yunayted” oktyabrın 13-də Madrid “Atletiko”su ilə qarşılaşacaq. “Sabah” isə həmin gün Praqanın “Slaviya” klubu ilə üz-üzə gələcək.

Xatırladaq ki, UEFA Çempionlar Liqasının son qalibi PSJ-dir. Paris klubu ötən mövsümün finalında İngiltərənin “Arsenal” komandasını məğlub edib. Əsas vaxtı 1:1 hesabı ilə başa çatan qarşılaşmada PSJ penaltilər seriyasında 4:3 hesabı ilə qalib gəlib.

PSJ 2024/2025 mövsümündə də UEFA Çempionlar Liqasının qalibi olub.