“Slaviya” evdə “Lans”a uduzdu

UEFA Çempionlar Liqasının 2026/2027 mövsümünün əsas mərhələsinin I turunda Praqa “Slaviya”sı ilə Fransanın “Lans” klubu üz-üzə gəlib.

90deqiqe.Az-ın məlumatına görə, Praqada keçirilən qarşılaşma qonaqların 3:2 hesablı qələbəsi ilə başa çatıb.

Görüşün ilk hissəsində komandalar hesabı aça bilməyiblər. İkinci hissəyə isə meydan sahibləri azlıqda başlayıblar. “Slaviya”nın futbolçusu Mikulaş Koneçni qırmızı vərəqə alaraq meydandan kənarlaşdırılıb.

Azlıqda qalmasına baxmayaraq, Çexiya təmsilçisi hesabı açan tərəf olub. 51-ci dəqiqədə Daniel Şturm fərqlənərək “Slaviya”nı önə keçirib.

“Lans” 73-cü dəqiqədə hesabı bərabərləşdirib. Abdulla Sima rəqib qapısına yol tapıb.

88-ci dəqiqədə Daniel Şturm yenidən fərqlənərək dubl edib və meydan sahiblərini bir daha önə keçirib.

Lakin fransalılar görüşün son dəqiqələrində məğlubiyyətdən qaça biliblər. Əvvəlcə Florian Tovenin dəqiq zərbəsi hesabı 3:2 edib. Ardınca Rüben Aqilar “Lans”a qələbə qazandıran qolu vurub.

Beləliklə, “Lans” Çempionlar Liqasının əsas mərhələsində ilk turu səfər qələbəsi ilə başa vurub.