“Beşiktaş”ın 20 yaşlı futbolçusu “Golden Boy” namizədləri arasına düşdü

“Golden Boy” mükafatına namizəd futbolçuların ilk “100-lüyü” yenilənib.

90deqiqe.Az-ın məlumatına görə, Türkiyənin “Beşiktaş” klubunun yarımmüdafiəçisi İlhan Fakılı da siyahıya əlavə olunub. 20 yaşlı hücumameyilli futbolçu 99-cu pillədə qərarlaşıb.

Siyahının ilk sırasında İspaniyanın “Barselona” klubunun futbolçusu Pau Kubarsi yer alıb. Onun komanda yoldaşı Lamin Yamal ikinci, “Mançester Siti”nin futbolçusu Ayub Buaddi isə üçüncü pillədə qərarlaşıb.

Qeyd edək ki, oktyabr ayında siyahı 20 futbolçuya qədər azaldılacaq. Daha sonra beynəlxalq ekspertlərdən ibarət münsiflər heyəti 2026-cı ilin “Golden Boy” mükafatının qalibini müəyyənləşdirəcək.