“Modriç, Kazemiro və Kroos olsaydı...”

“Barselona”nın sabiq futbolçusu Arda Turan hazırda məşqçi kimi özünü sınayır. Türkiyəli mütəxəssisin rəhbərlik etdiyi “Şaxtyor” cümə axşamı UEFA Çempionlar Liqasının oyununda səfərdə PSV ilə qarşılaşıb və 1:1 hesablı heç-heçə edib.

90deqiqe.Az-ın məlumatına görə, matçdan sonra Arda Turandan texniki zonada niyə hər zaman bu qədər emosional davrandığı soruşulub.

“Əgər məndə Modriç – Kazemiro – Kroos üçlüyü olsaydı, 90 dəqiqə ərzində sakitcə ehtiyat oyunçular skamyasında oturardım”, - deyə Arda Turan “Goal”a açıqlamasında bildirib.

Qeyd edək ki, PSV ilə görüşün sonlarına yaxın Arda Turan baş hakim tərəfindən sarı vərəqə ilə cəzalandırılıb.

“Şaxtyor” Çempionlar Liqasının növbəti oyununu oktyabrın 14-də AEK-ə qarşı keçirəcək.