PSJ, Mançester Siti, Tottenhem'dan darmadağın, Qalatasaray uduzdu

Bu gün Çempionlar Liqasında qrup mərhələsinin III turun oyunlarına start verilib.

Corner.az-ın məlumatına görə, ilk gündə A, B, C və D qruplarında oyunlar keçirilib.

A qrupunda “Qalatasaray” öz doğma meydanında “Real”ı qəbul edib. İlk iki turda qələbə üzü görməyən rəqiblərin dueli böyük maraqa səbəb olub. Qarşılaşma Madrid klubunun qələbəsiylə başa çatıb. Qrupun digər matçında PSJ səfərdə "Brügge"nin qonağı olub və rəqibini darmadağın edib.

B qrupunun lideri “Bavariya” səfərdə “Olimpiakos”un qonağı olub. Beş qolun qeydə alındığı matçda Münhen təmsilçisi çətin qələbə qazanıb. "Tottenhem"  öz meydanında "Srvena Zvezda"nı darmadağın edib.

C qrupunda itkisiz irəliləyən “Mançester Siti” “Atalanta”yla üz-üzə gəlib. Hesabı qonaqlar açsa da, sonda "şəhərlilər" darmadağınlı qələbə qazanıb.

D qrupunda isə qrupun favoritləri “Yuventus” və “Atletiko” ev oyununa çıxıb. Turin təmsilçisi Moskva "Lokomotiv"ini, Madrid klubu isə "Bayer"i məğlub edib.

Çempionlar Liqası

Qrup mərhələsi, III tur

22 oktyabr

A qrupu

“Qalatasaray” (Türkiyə) - “Real” (İspaniya) 0:1
Qol: Kroos, 18.

“Brügge” (Belçika) – PSJ (Fransa) 0:5
Qol: İkardi, 7; 63. Mbappe, 61; 79; 83.

B qrupu

“Tottenhem” (İngiltərə) – “Srvena Zvezda” (Serbiya) 5:0
Qol: Keyn, 9; 72. Min, 16; 44. Lamela, 57.

“Olimpiakos” (Yunanıstan) – “Bavariya” (Almaniya) 2:3
Qol: El Arabi, 23. Gilyerme, 79 – Levandovski, 34; 62. Tolisso, 75.

C qrupu

“Şaxtyor” (Ukrayna) – “Dinamo” (Xorvatiya) 2:2
Qol: Konoplyanka, 16. Dodo, 75 – Olmo, 25. Orşiç, 60.

“Mançester Siti” (İngiltərə) - “Atalanta” (İtaliya) 5:1
Qol: Aquero, 34; 38-pen. Sterlinq, 58; 64; 69 – Malinovski, 28-pen.

D qrupu

“Atletiko” (İspaniya) – “Bayer” (Almaniya) 1:0
Qol: Morata, 78.

“Yuventus” (İtaliya) - “Lokomotiv” (Rusiya) 2:1
Qol: Dibala, 77; 79 - Mirançuk, 30.