“Sabah”ın Çempionlar Liqasındakı ev oyunları üçün VIP biletlər satışda

“Sabah”ın UEFA Çempionlar Liqasının liqa mərhələsində Bakıda keçirəcəyi 4 ev oyunu üçün VIP paket biletlər satışa çıxarılıb.

Klubdan  90deqiqe.Az-a verilən məlumata görə, VIP paket sahibi Bakı Olimpiya Stadionunun VIP sektorundan “Slaviya Praqa” (Çexiya), “Borussiya Dortmund” (Almaniya), “Barselona” (İspaniya) və “Napoli” (İtaliya) ilə qarşılaşmaları canlı izləyə biləcək.

VIP paket çərçivəsində azarkeşlər üçün qidalanma xidməti təqdim olunacaq. Həmçinin əyləncə proqramı təşkil ediləcək və DJ çıxışı olacaq.

VIP paket biletinin qiyməti 1500 manat müəyyənləşdirilib və bu məbləğ “Sabah”ın Bakıda keçirəcəyi bütün 4 ev oyununa giriş imkanını əhatə edir.

Qeyd edək ki, VIP sektorda nəzərdə tutulan əyləncə proqramı yalnız “Slaviya Praqa”, “Borussiya Dortmund” və “Barselona” ilə oyunlar zamanı keçiriləcək.