UEFA “Fənərbağça”nın futbolçusunun cəzasını azaltdı

UEFA “Fənərbağça”nın yarımmüdafiəçisi Matteo Genduzinin diskvalifikasiya müddətini azaldıb.

90deqiqe.Az-ın məlumatına görə, bu barədə İstanbul klubunun rəsmi saytı məlumat yayıb.

UEFA-nın İntizam Komissiyası ilkin olaraq fransalı futbolçunu 4 oyunluq cəzalandırıb. Həmin oyunlardan 2-si şərti olaraq təxirə salınıb.

Türkiyə klubunun apellyasiya müraciətindən sonra cəza 3 oyuna endirilib. Bu oyunlardan 2-si isə bir illik sınaq müddəti ilə təxirə salınıb.

Genduzi sentyabrın 10-da keçirilən avrokubok matçında “Roma”ya qarşı oyunu buraxıb.

Yeni qərara əsasən, 26 yaşlı yarımmüdafiəçi oktyabrın 14-də “Aston Villa”ya qarşı keçiriləcək görüşdə meydana çıxa biləcək.