“Sabah”ın Çempionlar Liqasındakı paket biletlərinin satışı başa çatır

“Sabah” UEFA Çempionlar Liqasının liqa mərhələsində Bakıda keçirəcəyi dörd ev oyunu üçün paket biletlərin satışını oktyabrın 1-də dayandıracaq.

Klubdan 90deqiqe.Az-a verilən məlumata görə, paket biletlər azarkeşlərə “Slaviya Praqa”, “Borussiya Dortmund”, “Barselona” və “Napoli” ilə qarşılaşmaları stadiondan izləmək, həmçinin bütün dörd oyunda eyni yerdə əyləşmək imkanı yaradır.

Bildirilib ki, paket biletlərə azarkeşlərin marağı gözləntiləri üstələyib.

Paket biletlərin satışı oktyabrın 1-i saat 12:00-da başa çatacaq. Bundan sonra klub hər qarşılaşma üçün fərdi biletlərin satışına başlayacaq.