“Çempionlar Liqasında asan oyun olmur”

 “İnter”in baş məşqçisi Kristian Kivu UEFA Çempionlar Liqasının əsas mərhələsində “Brügge” ilə keçiriləcək qarşılaşma barədə fikirlərini bölüşüb.

90deqiqe.Az-ın məlumatına görə, rumıniyalı mütəxəssis bu barədə mətbuat konfransında bildirib.

 “Başa düşürük ki, növbəti mərhələyə yüksəlmək üçün qalan yeddi oyunda maksimum xal toplamalıyıq. “Brügge”nin öz oyun üslubu var. Komanda hücum futbolu oynayır və müəyyən səviyyəyə malikdir. Asan olmayacaq. Çempionlar Liqasında asan oyun olmur”

Kivu start heyəti ilə bağlı qərarını daha sonra verəcəyini də qeyd edib. Onun sözlərinə görə, seçim zamanı “Parma” ilə oyunun gedişində qəbul edilən qərarlar da nəzərə alınacaq.

İlk turda Madrid səfərində “Real”a 1:2 hesabı ilə uduzan İtaliya təmsilçisi növbəti mərhələyə yüksəlmək üçün qalan yeddi oyunda maksimum xal toplamağı hədəfləyir. “Brügge” isə ilk turda doğma meydanda “Aston Villa”ya 2:3 hesabı ilə məğlub olub.