Luis Suares “Sportinq” tarixində Çempionlar Liqasının rekordçusu olub

Portuqaliyanın “Sportinq” klubunun hücumçusu Luis Suares UEFA Çempionlar Liqasının hazırkı formatında komandanın ən yaxşı bombardirinə çevrilib.

90deqiqe.Az-ın UEFA-nın rəsmi saytına istinadən məlumatına görə, 28 yaşlı forvard buna turnirin liqa mərhələsinin II turunda Fransanın “Lans” komandası ilə səfər oyununda fərqlənməklə nail olub. Görüş “Sportinq”in 2:0 hesablı qələbəsi ilə başa çatıb.

Matçın 22-ci dəqiqəsində hesabı açan kolumbiyalı oyunçu Çempionlar Liqasında “Sportinq”in heyətində 7-ci qolunu vurub. Bununla da o, hesabında 6 qol olan Liedson, Fransişku Trinkau və Viktor Dyokereşi geridə qoyaraq klubun bombardirlər siyahısında birinci pilləyə yüksəlib.

Qeyd edək ki, Luis Suares 2025-ci ilin yayında İspaniyanın “Almeriya” klubundan “Sportinq”ə keçib. O, ötən mövsüm Çempionlar Liqasında 5 qol vurub, Portuqaliya çempionatında isə 28 dəfə fərqlənərək turnirin bombardiri olub.

Kolumbiyalı hücumçu 2025/2026 mövsümündə “Sportinq”in heyətində keçirdiyi 53 oyunda ümumilikdə 38 qol vurub.