Erik Qarsiya “Qalatasaray”la oyundan zədə ilə ayrılıb

“Barselona”nın müdafiəçisi Erik Qarsiya Çempionlar Liqasında “Qalatasaray”a qarşı keçirilən matçda Rafael Leao ilə toqquşma nəticəsində yüngül zədə alıb.

90deqiqe.Az-ın məlumatına görə, bu barədə “Mundo Deportivo” məlumat yayıb.

Matçdan sonra Qarsiya jurnalistlərlə söhbətində hadisəyə yumorla yanaşıb.

“Türkiyədən özümlə apardığım kiçik bir hədiyyədir”, – deyə futbolçu dizini və yaranmış şişkinliyi göstərərək bildirib.

Qeyd edək ki, Qarsiya oktyabrın 17-də“Betis”lə keçiriləcək oyunda meydana çıxa bilər. Lakin “Barselona”nın baş məşqçisi Hans-Diter Flik Parisdə PSJ-yə qarşı çərşənbə axşamı baş tutacaq vacib qarşılaşmanı nəzərə alaraq müdafiəçini ehtiyatda saxlamağa qərar verə bilər.