“Budyo-Qlimt” “Borussiya”nı məğlub etdi

UEFA Çempionlar Liqasında Norveçin “Budyo-Qlimt” klubu Almaniyanın “Borussiya” (Dortmund) komandasına qalib gəlib.

90deqiqe.Az-ın məlumatına görə, qarşılaşma Norveç təmsilçisinin 1:0 hesablı qələbəsi ilə başa çatıb. Görüşün ilk hissəsində hesab açılmayıb.

Matçın taleyini 52-ci dəqiqədə vurulan qol həll edib. Fredrik Şövold Sondre Auklennin ötürməsindən sonra rəqib qapısına yol taparaq komandasına qələbə qazandırıb.

Qoldan sonra hesabı bərabərləşdirməyə çalışan Dortmund təmsilçisi buna nail ola bilməyib. “Budyo-Qlimt” sonadək üstünlüyünü qoruyaraq Çempionlar Liqasında vacib qələbə əldə edib.