“Sabah” Çempionlar Liqasında “Borussiya Dortmund”a məğlub olub

“Sabah” UEFA Çempionlar Liqasının əsas mərhələsinin III turunda Almaniyanın “Borussiya Dortmund” klubuna uduzub.

90deqiqe.Az-ın məlumatına görə, Bakı Olimpiya Stadionunda keçirilən qarşılaşma qonaqların 2:1 hesablı qələbəsi ilə başa çatıb.

Dortmund təmsilçisinin heyətində Seru Qirassi 10-cu və 53-cü dəqiqələrdə fərqlənərək dubl edib. Azərbaycan çempionunun yeganə qolunu isə 39-cu dəqiqədə Eyden Makkarti vurub.

Qeyd edək ki, Valdas Dambrauskasın rəhbərlik etdiyi komanda Çempionlar Liqasındakı növbəti oyununu noyabrın 4-də səfərdə Norveçin “Vikinq” klubuna qarşı keçirəcək.