“Belə oyunlarda iştirak etməyə layiqik”

“Komo”nun yarımmüdafiəçisi Nikolas Pas UEFA Çempionlar Liqasının əsas mərhələsində “Mançester Yunayted”lə keçiriləcək oyun öncəsi fikirlərini bölüşüb.

90deqiqe.Az-ın məlumatına görə, oktyabrın 21-də baş tutacaq III tur matçı öncəsi danışan futbolçu qələbə üçün yüksək səviyyəli oyun nümayiş etdirməli olduqlarını bildirib.

“Qələbə qazanmaq üçün əla oyun keçirməli olduğumuzu başa düşürük. Rəqibimizin möhtəşəm futbolçuları və əla baş məşqçisi var. Bəlkə də, hazırda mövsümün ən yaxşı dövrünü yaşamırlar, amma bizi çətin oyun gözləyir.

Belə bir axşam son bir neçə ildə əldə etdiklərimizin mükafatıdır. Biz bu cür oyunlarda iştirak etməyə layiqik”, – deyə futbolçunun sözlərini UEFA-nın mətbuat xidməti yayıb.

Qeyd edək ki, qarşıdakı görüşlə bağlı daha əvvəl “Komo”nun baş məşqçisi Sesk Fabreqas da açıqlama verib.