Pelleqrini “Betis”in stadionunun ot örtüyündən narazıdır

“Betis”in baş məşqçisi Manuel Pelleqrini UEFA Çempionlar Liqasında “Feyenoord”la oyun öncəsi Sevilyadakı “La Kartuha” stadionunun ot örtüyünün vəziyyətindən narazılığını bildirib.

90deqiqe.Az xəbər verir ki, mütəxəssis bu barədə mətbuat konfransında danışıb.

“Adətən meydanın vəziyyəti çox yaxşı olur. Təəssüf ki, bu həftə ot örtüyünə lazımi qulluq işlərini aparmaq mümkün olmayıb. Meydanın pis vəziyyəti hər iki komandaya təsir edəcək”, – deyə Pelleqrini bildirib.

Qeyd edək ki, “Benito Vilyamarin” stadionunda yenidənqurma işləri aparıldığı üçün “Betis” artıq bir ildir ki, təxminən 70 min tamaşaçı tutumuna malik “La Kartuha” stadionunda ev oyunlarını keçirir.

Xatırladaq ki, “Betis” – “Feyenoord” qarşılaşması oktyabrın 21-də keçiriləcək və Bakı vaxtı ilə saat 23:00-da başlayacaq.