“Barselona” Parisdə PSJ-yə məğlub oldu

UEFA Çempionlar Liqasının 2026/2027 mövsümünün əsas mərhələsinin III turunda PSJ və “Barselona” komandaları üz-üzə gəlib.

90deqiqe.Az xəbər verir ki, Parisdəki “Park de Prens” stadionunda keçirilən qarşılaşma meydan sahiblərinin 4:2 hesablı qələbəsi ilə başa çatıb. Görüşü ingiltərəli baş hakim Maykl Oliver idarə edib.

Matçda hesabı 38-ci dəqiqədə PSJ-nin cinah hücumçusu Desire Due açıb. 55-ci dəqiqədə “Barselona”nın müdafiəçisi Xavi Espart tarazlığı bərpa edib. 72-ci dəqiqədə Luka Ernandes parisliləri yenidən önə keçirib. 79-cu dəqiqədə Lamin Yamal hesabı bərabərləşdirib. Lakin 81-ci dəqiqədə Vitinya PSJ-nin üçüncü qolunu vurub, 86-cı dəqiqədə isə Fabian Ruiz yekun nəticəni müəyyənləşdirib – 4:2.

Qarşılaşmada zədələr də qeydə alınıb. PSJ-nin hücumçusu Usman Dembele 20-ci dəqiqədə zədələnərək meydanı tərk edib və onu Ferran Torres əvəzləyib. “Barselona”nın yarımmüdafiəçisi Dani Olmo isə 27-ci dəqiqədə zədə səbəbindən əvəzlənib.

Qeyd edək ki, PSJ Çempionlar Liqasının son qalibidir. Paris klubu 2024/2025 mövsümündə də turnirin qalibi olub. Ötən mövsümün finalında isə PSJ “Arsenal”ı penaltilər seriyasında 4:3 hesabı ilə məğlub edib. Əsas vaxt 1:1 hesabı ilə başa çatıb.