PSV “Portu”ya qalib gəldi

UEFA Çempionlar Liqasının əsas mərhələsində PSV səfərdə Portuqaliyanın “Portu” klubunu məğlub edib.

90deqiqe.Az-ın məlumatına görə, qarşılaşma Niderland təmsilçisinin 1:0 hesablı qələbəsi ilə başa çatıb.

Görüşün ilk hissəsində komandalar hesabı aça bilməyiblər. Matçın taleyi 57-ci dəqiqədə həll olunub. Sven Meynansın ötürməsindən sonra Gus Til fərqlənərək PSV-yə qələbə qazandırıb.

Qoldan sonra “Portu” hesabı bərabərləşdirmək üçün hücumlarını artırsa da, Portuqaliya təmsilçisi fürsətlərindən yararlana bilməyib. PSV isə sonadək üstünlüyünü qoruyaraq səfərdə vacib üç xal qazanıb.