Ronaldo ağır zədə alan Kvaratsxeliyaya dəstək oldu

“Əl-Nəsr”in hücumçusu Kriştiano Ronaldo ağır zədə alan PSJ-nin futbolçusu Xviça Kvaratsxeliyaya dəstək mesajı ünvanlayıb.

 90deqiqe.Az xəbər verir ki, portuqaliyalı ulduz sosial şəbəkə hesabında gürcüstanlı futbolçuya ruhlandırıcı sözlər yazıb.

“Futbolda ən çətin mübarizələr çox vaxt heç kimin görmədiyi mübarizələr olur. Bu hissi yaxşı bilirəm, Kvara. Amma səni bu gün olduğun yerə gətirən amilləri heç vaxt unutma və çətin anların hələ nələrə nail ola biləcəyinə şübhə yaratmasına imkan vermə. İçindəki alovu qoruyub saxla. Ən yaxşı günlərin hələ qabaqdadır”, – deyə Ronaldo bildirib.

Qeyd edək ki, Kvaratsxeliya “Barselona” ilə Çempionlar Liqası matçında (4:2) sağ dizinin ön çarpaz bağının qopması ilə nəticələnən ağır zədə alıb. PSJ klubunun yaydığı məlumata görə, futbolçu əməliyyat olunacaq.