LASK “Sportinq”ə qalib gəldi

UEFA Çempionlar Liqasında Avstriyanın LASK komandası Portuqaliya təmsilçisi “Sportinq”i məğlub edib.

90deqiqe.Az-ın məlumatına görə, qarşılaşma LASK-ın 3:2 hesablı qələbəsi ilə başa çatıb.

Matçın 5-ci dəqiqəsində Luis Suares penaltini dəqiq yerinə yetirərək “Sportinq”i hesabda önə keçirib. Lakin cəmi 10 dəqiqə sonra Kristof Lanq tarazlığı bərpa edib.

İkinci hissədə üstünlüyü ələ alan Avstriya klubu 63-cü dəqiqədə Saşa Kalyayciçin qolu ilə hesabda önə keçib. Daha sonra Kriştov Danek LASK-ın üstünlüyünü artırıb.

Oyunun 89-cu dəqiqəsində Luis Suares özünün ikinci qolunu vuraraq fərqi minimuma endirsə də, “Sportinq” məğlubiyyətdən qaça bilməyib.

Beləliklə, LASK beş qolun vurulduğu qarşılaşmada 3:2 hesablı qələbə qazanıb.