Keyn Kriştiano Ronaldonun rekorduna yaxınlaşdı

“Bavariya”nın hücumçusu Harri Keyn UEFA Çempionlar Liqasının “Arsenal”la oyununda penaltini dəqiq yerinə yetirib – 2:1.

90deqiqe.Az xəbər verir ki, ingiltərəli forvard bununla da turnirdə ardıcıl 10-cu matçda qol vurmaq seriyasını davam etdirib.

Keyn bu göstərici ilə Kriştiano Ronaldonun rekorduna yaxınlaşıb. Portuqaliyalı futbolçu vaxtilə Çempionlar Liqasında ardıcıl 11 oyunda fərqlənməyi bacarıb.

Keynin Ronaldonun rekordunu təkrarlaması üçün turnirdə növbəti matçında da qol vurması lazımdır.

Qeyd edək ki, “Bavariya” növbəti görüşünü noyabrın 3-də səfərdə “Atletiko”ya qarşı keçirəcək.