Vinisius Junior “Real”da qol vurmaqda çətinlik çəkir

“Real Madrid”in vingeri Vinisius Junior avqust ayından bəri Madrid klubunun heyətində qol vura bilmir.

90deqiqe.Az xəbər verir ki, braziliyalı futbolçu UEFA Çempionlar Liqasında “Leypsiq”ə qarşı keçirilən və “Real Madrid”in 4:1 hesablı qələbəsi ilə başa çatan matçda da fərqlənə bilməyib.

Start heyətində meydana çıxan Vinisius oyunun 70-ci dəqiqəsində əvəzlənib. Onun yerinə meydana daxil olan Yan Diomande isə bir qol və bir məhsuldar ötürmə ilə yadda qalıb.

Braziliyalı futbolçu sonuncu dəfə avqustun 26-da İspaniya La Liqasının ilk turunda “Real Sosyedad”la görüşdə (4:1) qol vurub. Bu, onun cari mövsümdə bütün turnirlərdə keçirdiyi 11 oyunda yeganə qoludur. Vinisiusun aktivində, həmçinin, üç məhsuldar ötürmə var.

Qeyd edək ki, Vinisius oktyabrın 10-da “Vilyarreal”la oyunda (1:0) qırmızı vərəqə aldığı üçün İspaniya çempionatında dörd matçlıq cəzaya məruz qalıb. Bu səbəbdən o, oktyabrın 25-də “Barselona”ya qarşı keçiriləcək “El-Klasiko”nu buraxacaq.