“Feyenoord”la oyun bizim üçün asan olmayacaq"

“İnter”in baş məşqçisi Kristian Kivu noyabrın 3-də Çempionlar Liqasında səfərdə qarşılaşacaqları “Feyenoord”un güclü cəhətlərindən danışıb.

90deqiqe.Az xəbər verir ki, rumıniyalı mütəxəssis rəqibin doğma meydanda özünü rahat hiss etdiyini və cinahlarda təhlükəli futbolçularının olduğunu bildirib:

“Onlar bu stadionda özlərini çox yaxşı hiss edirlər. İntensiv oyun nümayiş etdirirlər, ustalıqları var və Musa ilə Zehel kimi bir çox yaxşı futbolçuları mövcuddur. Onlar cinahlarda oynayır, daha sonra mərkəzə doğru irəliləyirlər. Bizim üçün asan olmayacaq. Lakin onlara çətinlik yaratmaq üçün bütün güclü tərəflərimizi ortaya qoymalıyıq”.

Kivu “İnter”in heyətindəki vəziyyətə də münasibət bildirib:

“Gözlənilməz halların öhdəsindən gəlməli və sərəncamımızda olan futbolçulara uyğun həll yolları tapmalı olduq. Provedel və Pavar komandaya qayıdıblar. Sevindirici haldır ki, son bir neçə gündə yeni problem yaranmayıb”.

Qeyd edək ki, “İnter” Çempionlar Liqasının turnir cədvəlində 3 xalla 20-ci, eyni xala malik “Feyenoord” isə 26-cı pillədə qərarlaşıb.