Rafinya “Barselona” tarixində Çempionlar Liqasının ən yaxşı bombardirləri sırasına yüksəlib

“Barselona”nın hücumçusu Rafinya Dias UEFA Çempionlar Liqasının “Aston Villa” ilə oyununda dubl edib.

90deqiqe.Az xəbər verir ki, Kataloniya klubunun kapitanı əvvəlcə 52-ci dəqiqədə fərqlənib, daha sonra 64-cü dəqiqədə ikinci qolunu vuraraq hesabı 3:0-a çatdırıb.

Bu qollarla braziliyalı futbolçunun “Barselona”nın heyətində Çempionlar Liqasında vurduğu qolların sayı 23-ə yüksəlib. Beləliklə, Rafinya klub tarixinin turnirdə ən çox qol vuran futbolçuları siyahısında Robert Levandovski ilə birlikdə üçüncü pillədə qərarlaşıb.

O, həmyerliləri Rivaldo (22 qol) və Neymarı (21 qol) geridə qoyub. Siyahının ilk iki pilləsində isə Luis Suares (25 qol) və Lionel Messi (120 qol) yer alırlar.

Qeyd edək ki, Rafinya oyunun 70-ci dəqiqəsində Qavi ilə əvəzlənib. “Barselona” – “Aston Villa” qarşılaşmasının canlı mətn yayımını “LiveResult” portalı təqdim edir.