“Brügge” səfərdə PSV-ni məğlub etdi

UEFA Çempionlar Liqasında Belçikanın “Brügge” klubu Niderland təmsilçisi PSV-yə qalib gəlib.

90deqiqe.Az-ın məlumatına görə, səfərdə keçirilən qarşılaşma “Brügge”nin 2:1 hesablı qələbəsi ilə başa çatıb.

Görüşdə hesab 25-ci dəqiqədə açılıb. Nikolo Trezoldi fərqlənərək Belçika klubunu önə keçirib. İlk hissənin sonunadək PSV hesabı bərabərləşdirməyə çalışsa da, buna nail ola bilməyib.

İkinci hissədə hücumlarını gücləndirən Niderland təmsilçisi 54-cü dəqiqədə istəyinə çatıb. Koday Sano dəqiq zərbə ilə hesabı 1:1 edib.

Lakin meydan sahiblərinin sevinci uzun çəkməyib. 65-ci dəqiqədə Karlos Forbs “Brügge”nin ikinci qolunu vuraraq komandasını yenidən önə keçirib.

Qalan dəqiqələrdə PSV hesabı bərabərləşdirməyə çalışsa da, Belçika klubu üstünlüyünü qoruyaraq meydanı qələbə ilə tərk edib.