PSJ Çempionlar Liqasının əsas favoritidir

"Opta" analitikləri UEFA Çempionlar Liqasının 2026/2027-ci illər mövsümünün əsas mərhələsində birinci yeri tutmaq şanslarını qiymətləndiriblər.

90deqiqe.Az-ın məlumatına görə, analitiklərin hesablamalarına əsasən, turnirin son qalibi PSJ əsas favorit hesab olunur. Paris təmsilçisinin birinci yeri tutmaq ehtimalı 37,1 faiz təşkil edir.

Favoritlər siyahısında ikinci pillədə İspaniyanın “Real Madrid” klubu qərarlaşıb. Madrid təmsilçisinin şansı 25,4 faiz qiymətləndirilib. İlk üçlüyü isə 21 faiz göstərici ilə İngiltərənin “Arsenal” klubu tamamlayıb.

Digər komandaların göstəriciləri belədir:

• “Barselona” – 3,9 faiz;
• “Bavariya” – 3,5 faiz;
• “Mançester Siti” – 3,1 faiz.