ÇL: ən yaxşı adına namizədlər

UEFA Çempionlar Liqasında qrup mərhələsinin IV turunun oyunlarından sonra həftənin ən yaxşı futbolçusu və qoluna namizədlər bəlli olub.

Corner.az xəbər verir ki, UEFA bu ada 4 futbolçunu siyahıya alıb.

Bunlar Rodriqo (“Real Madrid”, İspaniya), Əşrəf Hakimi ( “Borussiya Dortmund”, Almaniya), Keylor Navas (PSJ, Fransa) və Son Hın-min-dir (“Tottenhem”, İngiltərə).Rodriqo geridə qalan turda het-trik edibsə, digər Əşrəf Hakimi, Son Hin-min dubla imza atıb.

Həftənin ən yaxşı qoluna gəlincə, burada səs verməyə braziliyalı Duqlas Kostanın (“Yuventus”, İtaliya), fransalı Joffre Kondoqbiyanın (“Valensiya”, İspaniya) və ingiltərəlilər - Rahim Strerlinqlə (“Mançester Siti”, İngiltərə) Aleks Oksley-Çemberlenin (“Liverpul”, İngiltərə) qolları çıxarılıb.

Qeyd edək ki, qaliblər UEFA-nın rəsmi saytına azarkeşlər arasında aparılan səsvermə ilə müəyyənləşəcək.