Hazard mövsümü bağlaya bilər

"Real"ın futbolçusu Eden Hazard sıradan çıxıb.

Corner.az xəbər verir ki, belçikalı yarımmüdafiəçi Çempionlar Liqasının qrup mərhələsinin 5-ci turunda PSJ ilə oyunda (2:2) zədələnib.

İspaniya mətbuatına görə, görüşün 69-cu dəqiqəsində zədələnərək əvəzlənən futbolçu bir neçə ay yaşıl meydanlardan uzaqda qala bilər. Klubun baş məşqçisi Zinəddin Zidan da oyundan sonra keçirilən mətbuat konfransında Hazardın zədəsinin ciddi olduğunu deyib. Topuğundan zədə alan futbolçunun durumuna bu gün keçiriləcək tibbi müayinədən sonra müəyyənləşəcək.

Qeyd edək ki, "Real"ın bu yay Hazardı "Çelsi"dən 100 milyon avroya transfer etmişdi.