"Tottenhem"in baş məşqçisi Joze Mourinyo Çempionlar Liqasının qrup mərhələsinin 5-ci turunda "Olimpiakos"la matçdan sonra futbolçusu Erik Diyerdən üzr istəyib.
Corner.az Britaniya mətbuatına istinadən xəbər verir ki, 56 yaşlı mütəxəssis futbolçunu matçın 29-cu dəqiqəsində əvəzlədiyi üçün üzrxahlıq edib:
"Demək istədiyim ilk söz Diyerdən üzr istəyirəm. Onun üçün asan bir vəziyyət deyil. Bu qərarı komanda üçün bir həll yolu tapmağa görə verdim. Dele Ali ilə oynaya biləcək bir futbolçuya ehtiyac var idi. Ümid edirəm ki, tərəflər bunu anlayıb”.
Qeyd edək ki, “Tottenhem” “Olimpiakos”a 4:2 hesabı ilə qalib gələrək 1/8 finala yüksəlib.
