- Dünya çempionatı
- 23:53 14.05.2026
Portuqaliya millisinin kapitanı Kriştiano Ronaldo Bakıda Azərbaycana qarşı keçirəcəkləri dünya çempionatının seçmə mərhələ oyununu buraxacaq.
Corner.az-ın məlumatına görə, buna səbəb 36 yaşlı hücumçunun doğma meydanda İrlandiyanı 2:1 hesabı ilə məğlub etdikləri seçmə mərhələ matçında sarı vərəqə görərək, cəzalı duruma düşməsi olub.
Görüşdə dubla imza atan Kriştiano ikinci qoldan sonra formasını çıxardığı üçün xəbərdarlıq alıb.
Qeyd edək ki, sentyabrın 7-də Bakı Olimpiya Stadionunda oynanılacaq Azərbaycan - Portuqaliya matçı saat 20:00-da başlayacaq.
