Əsas şərtimiz Azərbaycanla oyuna fokuslanmaq olacaq

"Azərbaycan millisinin İrlandiyaya qarşısını izlədik".

Corner.az-ın məlumatına görə, bu sözləri Portuqaliya millisinin futbolçusu Ruben Dias Bakıda Azərbaycan yığmasına qarşı keçirəcəkləri 2022-ci il dünya çempionatının seçmə oyunundan öncə mətbuat konfransında deyib.

24 yaşlı müdafiəçi Azərbaycan yığmasının yaxşı oyun sərgilədiyi sözlərini də əlavə edib: "Bu matçda da əsas şərtimiz diqqətli olmaq və görüşə fokuslanmaq olacaq".

Qeyd edək ki, sentyabrın 7-də Bakı Olimpiya Stadionunda oynanılacaq Azərbaycan - Portuqaliya matçı saat 20:00-da start götürəcək.