Azərbaycan - Portuqaliya matçında azarkeşlər meydana çıxdı

DÇ-2022-nin seçmə mərhələsi çərçivəsində baş tutan Azərbaycan – Portuqaliya oyununda maraqlı hadisə baş verib.

Corner.az xəbər verir ki, görüşün sonlarına yaxın bir neçə azarkeş meydançaya daxil olub.

Onlar rəqib futbolçu Bruno Fernandesə tərəf qaçıblar. Fanatlar “Mançester Yunayted”də çıxış edən yarımmüdafiəçi ilə şəkil çəkdirib və daha sonra meydanı tərk ediblər.

Görüşün final fiti səslənən zaman da bir neçə azarkeş meydana daxil olsa da, onları arenanın təhlükəsizlik işçiləri dərhal tutublar.

Qeyd edək ki, Portuqaliya millisi bu oyunda 3:0 hesabı ilə qələbə qazanıb.