Azərbaycanla oyunda qələbə qazanmaq vacib idi

Portuqaliya millisinin futbolçusu Andre Silva səfərdə Azərbaycan yığmasına 3:0 hesabı ilə qalib gəldikləri oyunla bağlı fikirlərini bölüşüb.

Corner.az-ın məlumatına görə, 26 yaşlı hücumçu matçdan sonra təşkil olunmuş mətbuat konfransında bunları söyləyib:

 "Qarşılaşma bütün komanda və mənim üçün yaxşı keçdi. Qol vurmaq isə həmişə yaxşıdır.Start heyətdə kimlərin yer alacağı dəqiq deyil. Mən və komanda yoldaşlarım əlimizdən gələni edirik. Rəqiblərimiz çətindir və bütün görüşlər bizim üçün finala bərabərdir. Bu gün qələbə qazanmaq vacib idi. Qarşıda daha 3 oyunumuz qalıb".