Siz daha çox qələbələrə layiqsiniz - Qara Qarayev

Azərbaycan millisinin yarımmüdafiəçisi Qara Qarayev DÇ-2022-nin seçmə mərhələsi çərçivəsində Portuqaliyaya qarşı keçirdikləri oyunu izləməyə gəlmiş azarkeşlərə təşəkkürünü bildirib.

Corner.az xəbər verir ki, 28 yaşlı futbolçu, bununla bağlı sosial şəbəkə hesabında yazıb.

“Qarabağ”ın futbolçusu paylaşımda bu sözləri qeyd edib: “Bütün azarkeşlərə təşəkkür edirəm. Heç şübhəsiz ki, siz daha çox qələbələrə layiqsiniz”.

Azərbaycan millisi Portuqaliyaya 0:3 hesabıyla məğlub olub. Oyundan sonra millimizin qapıçısı Şahruddin Məhəmmədəliyev və müdafiəçi Təmkin Xəlilzadə uğursuz nəticəyə azarkeşlərdən üzr istəyib.