Almaniya Futbol İttifaqı Kuntsun Türkiyə millisini çalışdırmağına icazə verib

Almaniya Futbol İttifaqı (DFB) 21 yaşadək futbolçulardan ibarət yığmanın baş məşqçisi Ştefan Kuntsun Türkiyə millisinin sükanı arxasına keçməsinə razılıq verib.

Corner.az qurumun rəsmi saytına istinadən xəbər verir ki, 59 yaşlı mütəxəssisin Türkiyə Futbol Federasiyası ilə anlaşacağı halda müqaviləsinə xitam veriləcək.

DFB U-21 yığmasındakı uğurlu fəaliyyəti və TFF ilə xüsusi əlaqələrə görə təcrübəli mütəxəssisin karyerasında növbəti addımına mane olmaq istəmədiyini açıqlayıb: "Bu, həm də Almaniya və Türkiyə futbolu arasındakı dostluğun ifadəsidir".

Qeyd edək ki, Türkiyə yığmasının baş məşqçisi Şenol Güneş sentyabrın 10-da istefaya göndərilib.