Çelsi'nin futbolçusu İngiltərə millisində oynamaq istəmir

 "Çelsi" klubunun futbolçusu Kallum Hadson-Odoi vətəndaşlığını dəyişə bilər.

Corner.az "Daily Mail"ə istinadən xəbər verir ki, 21 yaşlı yarımmüdafiəçi Qana millisində oynamağı planlaşdırır.

Hadson-Odoi ikili vətəndaşlığa malikdir və FIFA-nın qaydalarına əsasən, turnirlərin son mərhələsində İngiltərəni təmsil etmədiyi üçün yığmasını dəyişmək hüququna sahibdi.

O, İngiltərənin əsas millisinin heyətində 3 qarşılaşmada meydana çıxıb. Odoi  DÇ-2022-nin seçmə oyunları üçün əsas milliyə çağırılmaqdan da imtina edib.

Qeyd edək ki, Kallum Hadson-Odoi "Çelsi"nin yetirməsidir.