"Zenit”in hücumçusu Artyom Dzyuba Rusiya millisinin oktyabrda DÇ-2022-nin seçmə mərhələsi çərçivəsində keçirəcəyi matçlarda oynamaqdan imtina edib. Corner.az xəbər verir ki, 33 yaşlı futbolçu bu barədə yerli mətbuata açıqlamasında məlumat verib.
Təcrübəli futbolçu optimal formasından uzaq olduğu üçün bu qərarı verdiyini bildirib.
Seçmə mərhələdə H qrupunda mübarizə aparan Rusiya millisi oktyabrın 8-də Slovakiyanı qəbul edəcək, 3 gün sonra isə Sloveniyanın qonağı olacaq. Sözügedən komanda bu qrupda Xorvatiya ilə birgə 6 oyuna topladığı 13 xalla zirvəni bölüşür.
